پشاور: کار بم دھماکے میں چھ ہلاکتیں

ظاہر شاہ شیرازی شائع January 23, 2014

پشاور میں سکیم چوک کے قریب ایک ورک شاپ میں ہونے والے دھماکے کے بعد جائے وقوعہ پر ہونے والی تباہی کا منظر۔ فوٹو ظاہر شاہ

پشاور: صوبہ خیبر پختونخوا کے دارالحکومت پشاور میں کار بم دھماکے کے نتیجے میں کم از کم چھ افراد ہلاک جبکہ آٹھ زخمی ہو گئے۔

ایس پی پشاور رحیم شاہ نے بتایا کہ جمعرات کو سکیم چوک کے قریب ایک ورک شاپ میں ہونے والے دھماکے کی وجہ سے وہاں کھڑی سفید گاڑی مکمل طور پر تباہ ہو گئی۔

شاہ نے بم ڈسپوزل سکواڈ کے حوالے سے بتایا کہ تباہ ہونے والی الٹو میں ممکنہ طور پر پچیس سے تیس کلو گرام بارودی مواد نصب تھا۔

ٹی وی پر چلنے والی فوٹیج سے معلوم ہوتا ہے کہ دھماکے کے نتیجے میں کئی گاڑیاں تباہ ہو گئیں جبکہ ریسکیو اور پولیس اہلکار ملبہ کی چھان بین کر رہے ہیں۔

ایس پی شاہ نے شبہ ظاہر کیا ہے کہ بارودی مواد سے بھری گاڑی کو ممکنہ طور پر کسی دہشت گردی کی واردات میں استعمال کیا جانا تھا لیکن وقت سے پہلے ہی دھماکا ہو گیا۔

ڈی ایس پی فضل وحید نے بتایا کہ زخمی ہونے والوں کو لیڈی ریڈنگ ہسپتال منتقل کر دیا گیا ہے ۔

اطلاعات کے مطابق زخمیوں میں بچے بھی شامل ہیں۔

واٹس ایپ چینل

تبصرے (1) بند ہیں

Israr Muhammad Jan 23, 2014 10:19pm

آگ‏ ‏گاڑی‏ ‏دو‏ ‏دن‏ ‏سے‏ ‏وہاں‏ ‏کھڑی‏ ‏تھی‏ ‏تو‏ ‏اسکا‏ ‏مطلب‏ ‏یہ‏ ‏ھوا‏ ‏کہ‏ ‏ورکشاپ‏ ‏کے‏ ‏مالک‏ ‏یا‏ ‏زمہ‏ ‏دار‏ ‏کو‏ ‏معلو‏ ‏م‏‏ ‏تھا‏ ‏یاھونا‏ ‏چاھیے‏ ‏کہ‏ ‏گاڑی‏ ‏کس‏ ‏کی‏ ‏تھی‏‏ ‏یا‏ ‏کس‏ ‏نے‏ ‏کھڑی‏ ‏کی‏ ‏تھی ‏کیونکہ‏ ‏دو‏ ‏دن‏ ‏سے‏ ‏گاڑی‏ ‏کھڑا‏ ‏ھونا‏ ‏کیسے‏ ‏ممکن‏ ‏تھا‏ ‏کیونکہ‏ ‏آجکل‏ ‏تو‏ ‏ہمارے‏ ‏صوبے‏ ‏میں‏ کوئی‏ ‏‏کسی‏ ‏اجنبی‏ ‏کو‏ ‏محلے‏ ‏کے‏ ‏مسجد‏ ‏میں‏ ‏‏ٹہرنے‏ ‏کی‏ ‏اجازت‏ ‏نہیں‏ ‏دیتا‏‏ ‏اس‏ ‏کے‏ ‏علاوہ‏ ‏اگر‏ ‏کوئی‏ ‏گاڑی‏ ‏بعیر‏ ‏مالک‏ ‏کے‏ ‏ادھا‏ ‏گھنٹے‏ ‏سے‏ ‏کہیں‏ ‏کھڑا‏ ‏تو‏ ‏لوگ‏ ‏بم‏ ‏کے‏ ‏ڈر‏ ‏سے‏ ‏پولیس‏ ‏کو‏ ‏اطلاع‏ کرتے‏ ‏ھیں‏ ‏ ‏ ‏گاڑی‏ ‏کیسے‏ ‏دو‏ ‏دن‏ ‏وہاں‏ ‏رھی‏‏ ‏دماغ‏ ‏‏اس‏ ‏بات‏ ‏پر‏ ‏یقین‏ ‏نہیں‏ ‏کرسکتا ‏

تبصرے (1) بند ہیں

کالمز

مقبول ترین

کارٹون

کالمز

کارٹون

مقبول ترین

مقبول ویڈیوز