لاہور: شہر کے علاقے ڈیفینس میں گیس سلنڈر پھٹنے سے چار افراد ہلاک ہوگئے ہیں۔
تفصیلات کے مطابق، ڈیفنس کے ایچ بلاک میں واقع ایک ریسٹورینٹ میں صبح کے وقت گیس لیکج سے سلنڈر پھٹنے پر زور دار دھماکہ ہوا تھا جس سے ایک شخص ہلاک اور سینتیس افراد زخمی ہوئے تھے۔
اٹھارہ زخمیوں کو موقع پر ہی طبی امداد دے کر فارغ کر دیا گیا جبکہ انیس افراد کو طبی امداد کے لیے ہسپتال داخل کرایا گیا تھا جن میں سے تین افراد دم توڑ گئے۔
مرنے والوں میں کاشف،سرفراز،عصمت اور ظریف شامل ہیں۔
اس دھماکے کا مقدمہ تنظیم شہری دفاع کی مدعیت میں دکان مالک افتخار کے خلاف درج کیا گیا تھا۔۔
