کوئٹہ: کوئٹہ میں سریاب روڈ پر روڈ کے ساتھ نصب ریموٹ کنٹرول بم دھماکے میں تین افراد ہلاک اور پانچ زخمی ہوگئے ہیں۔

دھماکے کا ہدف پولیس موبائل تھی تاہم ہلاک ہونے والے راہ گیر تھے تاہم زخمیوں میں پولیس اہلکار شامل تھے ۔ واقعہ سریاب پر روڈ پر اریگیشن کالونی کے پاس پیش آیا۔

دھماکے کے بعد امدادی کارکنوں نے زخمیوں کو ہسپتال پہنچایا اور تفتیشی اداروں نے تمام علاقے میں تحقیقات شروع کردی ہیں۔

حکام کے مطابق سڑک کی طرف ریموٹ کنٹرول بم دھماکے میں دس سے پندرہ کلو بارودی مواد استعمال کیا گیا تھا۔