کراچی: وفاقی وزیر تجارت مخدوم امین فہیم نے کہا ہے کہ اگر راجہ پرویز اشرف کو بھی سپریم کورٹ آف پاکستان نے ہٹا دیا تو ان کے پاس وزارت عظمیٰ کے متعدد امیدوار ہیں۔
مسلم لیگ فنکشنل کے رہنما امتیاز شیخ کی افطار میں شرکت کے موقع پر صحافیوں سے بات چیت کرتے ہوئے مخدوم امین فہیم نے کہا کہ پارلیمنٹ سپریم ہے اور وہ چاہتے ہیں کہ پارلیمنٹ اپنی مدت مکمل کرے۔
پیپلزپارٹی کے سینئر رہنما نے باور کرایا کہ حکومت کسی ادارے سے محاز آرائی نہیں چاہتی۔
انہوں نے کہا کہ وفاقی وزیر قانون نے کابینہ کے ارکان کو بتایا ہے کہ ماضی میں سوئس حکام کو خط لکھا جا چکا ہے لہٰذا دوبارہ خط نہیں لکھا جا سکتا۔
