کراچی کی ایڈیشنل ڈسٹرکٹ کورٹ نے سگی بیٹی سے جنسی زیادتی کرکے حاملہ کرنے کے کیس کا فیصلہ سناتے ہوئے ملزم شاہد کو 25 سال قید کی سزا سنادی جب کہ 2 لاکھ روپے جرمانہ بھی عائد کردیا ۔

ڈان نیوز کے مطابق کراچی کی ایڈیشنل ڈسٹرکٹ کورٹ نے ملزم کی جانب سے دھمکیاں دینے پر مزید 7 سال قید بامشقت کی سزا سنادی ۔

پراسیکیوٹر حنا ناز نے عدالت کو بتایا کہ 2020 میں ملزم نے اپنے گھر میں سگی بیٹی کو جنسی زیادتی کا نشانہ بنایا جس پر بیٹی نے ماں کو سب واقعہ بتایا لیکن کوئی ایکشن نہیں لیا گیا۔

اس کے بعد ملزم نے متعدد بار بیٹی کے ساتھ ریپ کیا اور چند ماہ بعد بیٹی نے ایک بچے کو جنم دیا، لڑکی نے ماں کو بتایا کہ یہ بچہ اُس کے باپ کا ہے تو اس نے اپنے شوہر کو مارا۔

متاثرہ لڑکی نے فیس بک پر دوستی کے دوران وارث نامی شخص کو سب واقعہ بتایا جس پر وارث نے سب کچھ سننے کے بعد لڑکی سے شادی پر رضا مند ہوگیا اور شادی کے بعد اپنے شوہر کے ساتھ ملکر باپ کے خلاف مقدمہ درج کروایا۔

بعد ازاں، ملزم کے خلاف تھانہ نیو کراچی میں مقدمہ درج کیا گیا۔

دوران سماعت عدالت نے ریمارکس دیے کی متاثرہ خاتون نے عدالت میں اپنے بیان میں باپ کو ملزم قرار دیا ہے جب کہ ملزم کے خلاف جرم ڈی این اے سے بھی ثابت ہوتا ہے۔