پاکستان سپر لیگ (پی ایس ایل) کے 10 سال مکمل ہونے پر کھلاڑیوں کو ایوارڈز سے نوازا گیا، اس دوران بابر اعظم، شاداب خان اور شاہین آفریدی کو ایوارڈز دیے گئے۔

پاکستان سپر لیگ کی ایک دہائی مکمل ہونے پر پلیئرز ڈرافٹ کی تقریب کے دوران کھلاڑیوں کو ایوارڈز سے نوازا گیا۔

پشاور زلمی کے کپتان بابر اعظم کو پی ایس ایل کے بہترین بیٹر کا فین چوائس ایوارڈ دیا گیا اور انگلش بیٹسمین جیسن رائے کو بہترین انفرادی بیٹنگ میں فینز چوائس ایوارڈ دیا گیا۔

لاہور قلندرز کے کپتان شاہین شاہ آفریدی کو پی ایس ایل کے بہترین بولر کا فین چوائس ایوارڈ دیا گیا۔

اس کے علاوہ اسلام آباد یونائیٹڈ کے کپتان شاداب خان کو یادگار پرفارمنس پر موسٹ ویلیو ایبل پلیئر ایوارڈ سے نوازا گیا۔