حیدرآباد کے علاقے قاسم آباد میں غیر قانونی تعمیرات کے خلاف آپریشن کے دوران مشتعل افراد نے پولیس اہلکاروں پر حملہ کردیا جس کے نتیجے میں متعدد افراد اور پولیس اہلکار زخمی ہوگئے جب کہ پولیس نے کئی لوگوں کو حراست میں لے لیا۔

ڈان نیوز کی رپورٹ کے مطابق قاسم آباد میں تجاوزات کے خلاف انتظامیہ اور ڈی ایس پی کینٹ کی قیادت میں آپریشن کیا گیا۔

آپریشن کے دوران مشتعل افراد نے پولیس اور انتظامیہ پر پتھراؤ کیا اور سرکاری گاڑی کو نقصان پہنچایا۔

پولیس نے جواب میں لاٹھی چارج کیا، تصادم میں متعدد افراد زخمی ہوگئے، اس کے علاوہ کئی افراد کو حراست میں بھی لے لیاگیا۔

اسسٹنٹ کمشنر کے مطابق آپریشن کے دوران تجاوزات کرنے والوں نے فائرنگ بھی کی۔