پاکستان کرکٹ بورڈ (پی سی بی) نے ٹی 20 ورلڈکپ 2026 سے قبل قومی ٹی 20 ٹیم میں بہتری کے لیے 100 ہارڈ ہٹرز بلے بازوں پر مشتمل اسٹرائیک فورس بنانے کا فیصلہ کرلیا۔

ڈان نیوز کے مطابق پی سی بی ذرائع کا کہنا ہے کہ پی سی بی نے ٹی 20 ورلڈکپ سے قبل قومی ٹی 20 ٹیم میں نئی روح پھونکنے کے لیے اسٹرائیک فورس بنانے کا فیصلہ کیا ہے، اسٹرائیک فورس 100 نوجوان ہارڈ ہٹنگ بیٹرز پر مشتمل ہوگی۔

پی سی بی ذرائع کے مطابق اسٹرائیک فورس کے لیے تمام بلے بازوں کا انتخاب سابق آل راؤنڈر عبدالرزاق کی سربراہی میں کیا جائے گا، اسٹرائیک فورس کی تیاری کے لیے ایک سال کا ہدف مقرر کیا گیا ہے۔

پروگرام کیلیے ہر 6 ماہ بعد 50، 50 کھلاڑیوں کا انتخاب کیا جائے گا جبکہ منتخب کھلاڑیوں کو ہارڈ ہٹنگ کی تربیت دی جائے گی۔

پی سی بی ذرائع کے مطابق ا سٹرائیک فورس بنانے کا مقصد ٹی 20 سکواڈ کو بہتر اسٹرائیک ریٹ والے کھلاڑی مہیا کرنا ہے، ایک سال میں نیا ٹیلنٹ تیار کر کے ٹی 20 اسکواڈ کا حصہ بنایا جائے گا۔

اسٹرائیک فورس کے قیام کا مقصد قومی ٹی 20 ٹیم کو ٹی 20 ورلڈکپ کے لیے تیار کرنا ہے، یاد رہے کہ رواں سال ٹی 20 ورلڈکپ میں قومی ٹیم پہلے ہی مرحلے میں باہر ہوگئی تھی۔