محکمہ تعلیم سندھ نے موسم سرما کی تعطیلات کا اعلان کردیا۔

ڈان نیوز کے مطابق جاری نوٹی فکیشن میں کہا گیا ہے کہ صوبے کے تعلیمی اداروں میں 21 دسمبر سے 31 دسمبر تک تعطیلات ہوں گی۔

نوٹی فکیشن کے مطابق اس فیصلے کا اطلاق تمام نجی و سرکاری تعلیمی اداروں پر ہوگا۔

سردیوں کے دوران یونیفارم کوڈ میں نرمی کی ہدایت

دریں اثنا، محکمہ تعلیم سندھ نے سردیوں کے دوران یونیفارم کوڈ میں نرمی کی ہدایت کرتے ہوئے کہا کہ سردی میں طلبہ جو گرم کپڑے پہن سکتے ہیں انہیں اس کی اجازت دی جائے۔

ڈائریکٹوریٹ آف پرائیویٹ انسٹی ٹیوشن سندھ نے نجی اسکولز کو مراسلہ جاری کردیا جس کے مطابق بچوں کی صحت کے لیے سردی سے بچاؤ کے اقدامات میں تعاون کیا جائے۔

محکمہ تعلیم سندھ کا سردیوں کے دوران یونیفارم کوڈ میں نرمی کی ہدایت کرتے ہوئے کہنا تھا کہ سردی میں طلبہ جو گرم کپڑے پہن سکتے ہیں، انہیں اس کی اجازت دی جائے۔

مراسلے میں کہا گیا کہ سردیوں کے دوران نجی اسکولز کی جانب سے طلبہ کے یونیفارم میں نرمی برتی جائے، بچوں کی صحت کی خاطر سردی سے بچاؤ کے اقدامات میں ان کے ساتھ تعاون کیا جائے۔

محکمہ تعلیم سندھ کی جانب سے مزید کہا گیا کہ اسکول کی کلاسز میں بھی سردی کے بچاؤ کے ہر ممکن اقدامات کیے جائیں۔

ادھر ڈان اخبار کی رپورٹ کے مطابق خیبرپختونخوا کے محکمہ تعلیم نے صوبے کے تمام سرکاری اور نجی تعلیمی اداروں کے لیے دونوں زونز کے لیے موسم سرما کی تعطیلات کا اعلان کر دیا تھا۔

جاری نوٹی فکیشن کے مطابق میدانی علاقوں میں موسم سرما کی تعطیلات 22 دسمبر 31 دسمبر تک ہوں گی جبکہ پہاڑی علاقوں کے لیے موسم سرما کی تعطیلات 22 دسمبر سے 28 فروری 2025 تک جاری رہیں گی۔