ملک بھر میں مسلسل 4 روز سے سونے کی قیمتوں میں اضافے کا سلسلہ رک گیا اور آج فی تولہ نرخوں میں 5 ہزار روپے کی بڑی کمی ریکارڈ کی گئی ہے۔

سرکاری خبر رساں ادارے ’اے پی پی‘ کی رپورٹ کے مطابق 24 قیراط فی تولہ سونا 5 ہزار روپے سستا ہو کر 2 لاکھ 77 ہزار 800 روپے میں فروخت ہوا، اسی طرح 24 قیراط 10 گرام سونے کی قیمت 4 ہزار 286 روپے تنزلی سے 2 لاکھ 38 ہزار 169 روپے پر آ گئی ہے۔

اسی طرح 22 قیراط 10 گرام سونا 3 ہزار 929 روپے تنزلی کے بعد 2 لاکھ 18 ہزار 321 روپے میں فروخت ہوا۔

ادھر، ملک بھر میں چاندی کی فی تولہ اور 10 گرام قیمت بھی بالترتیب 50 روپے اور 43 روپے تنزلی سے 3 ہزار 400 روپے اور 2 ہزار 915 روپے پر آ گئی ہے۔

مزید کے لیے کلک کریں

رپورٹ کے مطابق عالمی مارکیٹ میں بھی فی اونس سونے کی قیمت 50 روپے کمی کے بعد 2 ہزار 666 ڈالر پر آگئی ہے۔

واضح رہے کہ 9 دسمبر بروز پیر کو فی تولہ سونے کی قیمت میں 2 ہزار روپے کا بڑا اضافہ ہوا تھا، اسی طرح 10 دسمبر کو سونا ایک ہزار روپے مہنگا ہوا تھا جبکہ 11 دسمبر کو سونے کی فی تولہ قیمت میں 3 ہزار 100 روپے کے بڑے اضافے کے بعد 2 لاکھ 80 ہزار 500 روپے تا جا پہنچی تھی۔

اسی طرح گزشتہ روز 24 قیراط فی تولہ سونا 2 ہزار 300 روپے بڑھ کر 2 لاکھ 82 ہزار 800 روپے میں فروخت ہوا تھا اور رواں ہفتے کے ابتدائی 4 روز میں سونے کی قیمت میں 8 ہزار 400 روپے کا اضافہ ریکارڈ کیا گیا تھا۔