خیبرپختونخوا کے ضلع بنوں میں نامعلوم افراد نے چیک پوسٹ پر قبضہ کرکے 7 پولیس اہلکاروں کو اغوا کر لیا۔

ڈان نیوز کے مطابق پولیس نے بتایا کہ یہ واقعہ بنوں کے دور افتادہ پہاڑی علاقے احمد زئی سب ڈویژن میں پیش آیا، جہاں نامعلوم افراد نے روچہ چیک پوسٹ پر قبضہ کر لیا۔

پولیس کا مزید کہنا تھا کہ نامعلوم افراد نے قبضے کے بعد 7 پولیس اہلکاروں کو اسلحے سمیت اغوا کرلیا۔

پولیس نے بتایا کہ علاقے کو گھیرے میں لے کر سرچ آپریشن شروع کردیا، مغویوں کی تلاش جاری ہے۔

مزید کے لیے کلک کریں

واضح رہے کہ 17 نومبر کو بلوچستان کے ضلع قلات میں سیکیورٹی فورسز نے چیک پوسٹ پر حملے کی کوشش ناکام بنا دی تھی، جوانوں نے بہادری سے مقابلہ کرتے ہوئے 6 دہشت گردوں کو ہلاک اور 4 کو زخمی کر دیا تھا، تاہم فائرنگ کے تبادلے میں 7 جوان شہید ہو گئے تھے۔

آئی ایس پی آر کا کہنا تھا کہ فوجیوں نے بہادری سے مقابلہ کیا، جس کے نتیجے میں 6 دہشت گردوں کو ہلاک کر دیا گیا جبکہ 4 دہشت گرد زخمی ہوئے۔

آئی ایس پی آر کے مطابق تاہم شدید فائرنگ کے تبادلے میں 7 جوانوں نے بہادری سے لڑتے ہوئے جام شہادت نوش کیا۔