جنوبی ایشیا کے ملک مالدیپ میں ہونے والی پندرہویں ورلڈ باڈی بلڈنگ اینڈ فزیق چیمپیئن شپ میں پاکستانی بلال احمد نے گولڈ میڈل حاصل کر لیا۔

بلال احمد نے مین فزیک کیٹیگری میں گولڈ میڈل جیتا، انہوں نے گزشتہ برس جنوبی ایشیا ورلڈ باڈی بلڈنگ چیمپیئن شپ میں بھی گولڈ میڈل حاصل کیا تھا۔

پاکستان باڈی بلڈنگ فیڈریشن کے سیکریٹری سہیل انور کا کہنا تھا کہ بلال احمد کو پرائیویٹ اسپانسر شپ سے ورلڈ باڈی بلڈنگ چیمپیئن شپ میں شرکت کے لیے بھیجا۔

سہیل انور نے مزید کہا کہ حکومت پاکستان کو باڈی بلڈرز کی بھی حوصلہ افزائی کرنی چاہیے۔

ادھر چیمپیئن شپ میں کامیابی کے بعد بلال احمد کا کہنا تھا کہ گولڈ میڈل جیتنے پر اللہ تعالی کا شکر گزار ہوں۔