آئی سی سی ویمن ٹی 20 ورلڈکپ میں آسٹریلیا ویمن ٹیم نے پاکستان کو 9 وکٹوں سے شکست دے دی۔

دبئی کرکٹ اسٹیڈیم میں کھیلے گئے میچ میں آسٹریلیا نے ٹاس جیت کر پاکستان کو بیٹنگ کی دعوت کی، پہلے بیٹنگ کرتے ہوئے پاکستان ویمن ٹیم 82 رنز پر آؤٹ ہوگئی۔

پاکستان کی جانب سے عالیہ ریاض 26 رنز بنا کر ٹاپ اسکورر رہیں جبکہ قومی ٹیم کی 7 بیٹرز ڈبل فگر میں بھی داخل نہ ہو سکیں۔

جواب میں آسٹریلیا نے 83 رنز کا ہدف باآسانی ایک وکٹ کے نقصان پر 11 اوورز میں حاصل کرلیا۔

یاد رہے کہ گزشتہ میچ میں بھارت نے 106 رنز کا آسان ہدف 4 وکٹوں کے نقصان پر حاصل کرکے پاکستان کو 6 وکٹوں سے شکست دی تھی۔