صوبہ سندھ کے شہر شکارپور میں کچے کے علاقے میں دو گروپوں کے درمیان فائرنگ کے دوران اسٹیشن ہاؤس افسر (ایس ایچ او) شہید ہوگئے۔

ڈان نیوز کے مطابق پولیس کی نفری فائرنگ کی اطلاع پر موقع پر پہنچی تھی، فائرنگ مہر اور جتوئی قبیلے کے درمیان ہوئی۔

فائرنگ کو روکنے کے دوران ایس ایچ او سہراب اوڈھو شہید ہوگئے، واقعے کے بعد ملزمان فرار ہوگئے۔

ملزمان کی گرفتاری کے لیے پولیس کی بھاری نفری تعینات ہے جبکہ کچے کے داخلی اور خارجی راستوں کو سیل کرکے سرچ آپریشن شروع کردیا گیا ہے۔