کراچی کے علاقے گلستان جوہر میں فلیٹ کی پارکنگ کے اندر کھڑی کار میں دم گھٹنے سے ایک بچہ جاں بحق ہوگیا جب کہ دوسرے بچے کی حالت تشویشناک ہے۔

ڈان نیوز کی رپورٹ کے مطابق پولیس حکام نے بتایا کہ واقعہ دم گھٹنے کی وجہ سے پیش آیا، 2 بچے کھیلنے کے دوران گاڑی میں جا بیٹھے۔

رپورٹ کے مطابق گاڑی لاک ہوجانے کی وجہ سے بچوں کا دم گْھٹا اور 3 برس کا بچہ رؤف ولد حشر دم توڑ گیا جب کہ 4 سالہ بچہ حسان ولد حشر علی بیہوش ہوا۔

پولیس اطلاع ملتے ہی موقع پر پہنچی اور بچوں کو ہسپتال منتقل کیا گیا، پولیس کی جانب سے ضابطے کی کارروائی عمل میں لائی جارہی ہے۔