کراچی کے علاقے کریم آباد میں ڈیس ایس پی علی رضا کے قتل کی سی سی ٹی وی فوٹیج سامنے آ گئی۔

ڈان نیوز کو موصول سی سی ٹی وی فوٹیج میں ملزمان کو قتل کے بعد فرار ہوتے ہوئے دیکھا جاسکتا ہے۔

فوٹیج میں دیکھا جا سکتا ہے کہ مقتول افسر علی رضا گاڑی سے فلیٹس کے گیٹ پر پہنچتے ہیں تو اسی دوران ایک موٹر سائیکل سوار تعاقب کرتا ہوا گاڑی کے پیچھے جاتا ہے۔

مقتول ڈی ایس پی جیسے ہی گاڑی فلیٹس کے گیٹ کی جانب مڑتی ہے تو موٹر سائیکل سوار ملزم فوراً پیچھے بھاگتا ہے اور پھر واپس بھاگتے ہوئے فرار ہوتا بھی دیکھائی دے رہا ہے۔

ملزم ون ٹو فائیو بائیک پر سوار تھا اور شناخت چھپانے کے لیے ہیلمٹ پہنا ہوا ہے۔

پولیس فوٹیج کی مدد سے ملزمان کی تعداد کا تعین کرنے کی کوشش کررہی ہے۔