خیبر پختونخوا کے دارالحکومت پشاور کے بڑے ہسپتال حیات آباد میڈیکل کمپلیکس سے 70 لاکھ روپے سے زائد مالیت کے 19 نئے ائیر کنڈیشنر غائب ہوگئے۔

’ڈان نیوز‘ کی رپورٹ کے مطابق امریکی ساختہ ایئر کنڈیشنر کی مالیت ستر لاکھ روپے سے زائد بتائی جاتی ہے، ڈبہ بند ایئر کنڈیشنر ہسپتال کے اسٹور روم میں موجود تھے۔

ترجمان حیات آباد میڈیکل کمپلیکس ہسپتال کی جانب سے جاری بیان کے مطابق ہسپتال انتظامیہ نے غفلت برتنے پر اسٹور کے 2 ملازمین کو برطرف کر دیا ہے جب کہ واقعے کی مزید تحقیقات جاری ہیں۔