حکومت پنجاب نے ملاوٹ، ذخیرہ اندوزی، منافع خوری کے خلاف پنجاب انفورسمنٹ اتھارٹی بنانے کا فیصلہ کر لیا۔

ڈان نیوز کے مطابق اتھارٹی کے قیام کا مقصد شہریوں کو سرکاری نرخوں پر اشیا کی فراہمی یقینی بنانا ہے۔

اتھارٹی کھانے پینے کی اشیا کا معیار بھی چیک کرے گی، ڈیمانڈ اینڈ سپلائی کی بھی نگرانی کرے گی، اس کے علاوہ صوبے بھر میں ملاوٹ کے خاتمے کے لیے چھاپے مارے گی۔

پنجاب انفورسمنٹ اتھارٹی کے پاس جرمانوں کا بھی اختیار ہوگا۔

صوبے میں قانون کی عمل داری یقینی بنانا بھی پنجاب انفورسمنٹ اتھارٹی کی ذمہ دار ہوگی جبکہ اتھارٹی تجاوزات کے خاتمے کے لیے انتظامیہ کے ساتھ مل کر اقدامات کرے گی۔