پاک افغان طورخم بارڈر پر فرنٹئیرکور نارتھ کے حملے میں ایف آئی اے کے چھ اہلکار زخمی ہوگئے۔

ڈان نیوز کے مطابق پاک افغان طورخم بارڈر نادرا چیک پوائنٹ پر فرنٹئیرکور نارتھ ایف سی اور ایف آئی اے عملہ کے درمیان جھگڑا ہو گیا۔

واقعے کی منظر عام پر آنے والی ویڈیو میں دیکھا جا سکتا ہے کہ ڈنڈوں سے لیس ایف سی نارتھ کے اہلکار امیگریشن سیکشن میں داخل ہوئے اور ایف آئی اے کے اہلکاروں پر حملہ کردیا۔

ایف سی اہلکاروں نے ڈنڈوں سے وار کر کے چھ ایف آئی اے اہلکاروں کو زخمی کر دیا گیا جنہیں لنڈی کوتل ہیڈ کوارٹر ہسپتال منتقل کردیا گیا۔

ہسپتال میں ڈاکٹروں نے ایف آئی اے اہلکاروں کا چیک اپ کیا جہاں پیرامیڈیکل اسٹاف نے انہیں طبی امداد فراہم کی گئی اور ان کی حالت خطرے سے باہر ہے۔

واقعے کے بعد پاک افغان طورخم بارڈر پر مسافروں کی پیدل آمدورفت معطل ہوگئی۔