وزیر اعظم شہباز شریف نے وزارت عظمیٰ کا منصب سنبھالنے پرسری لنکا کے صدر رانیل وکرمے سنگھے کی طرف سے مبارک باد کے پیغام پر ان کا شکریہ ادا کیا ہے۔

سماجی رابطے کی ویب سائٹ ’ایکس‘ پر اپنی پوسٹ میں وزیر اعظم شہباز شریف نے کہا کہ نیک تمناؤں کے اظہار پر سری لنکا کے صدر کا شکریہ ادا کرتا ہوں۔

وزیر اعظم نے اس اعتماد کا بھی اظہار کیا کہ پاکستان اور سری لنکا کے درمیان تعلقات آنے والے دنوں میں تسلسل کے ساتھ مضبوط سے مضبوط تر ہوں گے۔