وزیر اعلٰی بلوچستان سرفراز بگٹی نے کہا ہے کہ صدارتی انتخاب میں آصف زرداری بلوچستان میں بھاری اکثریت سے کامیاب ہوں گے۔

میڈیا سے گفتگو کرتے ہوئے ان کا کہنا تھا کہ بلوچستان میں آصف علی زرداری کے مدمقابل امیدوار کو کوئی ووٹ نہیں ملےگا۔

انہوں نے بتایا کہ جمعیت علمائے اسلام (ف) سے رابطے میں ہیں، امید کرتے ہیں وہ اپنا ووٹ دیں گے، ہمارےصوبے کی اپنی روایات ہیں، اسی بنا پر جے یو آئی (ف) کے دوستوں کے پاس بھی گئے ہیں۔