وزیر اطلاعات پنجاب عظمی بخاری نے کہا ہے کہ سرگودھا انسٹی ٹیوٹ آف کارڈیالوجی پر پاکستان تحریک انصاف (پی ٹی آئی) کا پروپیگنڈہ قطعی بے بنیاد ہے۔

ڈان نیوز کے مطابق وزیر اطلاعات پنجاب نے میڈیا سے بات کرتے ہوئے کہا کہ انسٹی ٹیوٹ کے بارے میں سوشل میڈیا پر پیش کردہ لیٹر محض ایجنڈا ہے۔

ان کا کہنا تھا کہ ایس سی سی ایف ڈی میں انسٹی ٹیوٹ کی منظوری اگر ہوئی تو بنوایا کیوں نہیں گیا، عظمیٰ بخاری نے مزید کہا کہ مریم نوازکا وژن اور کام کرنے کی رفتار دیکھ کر پی ٹی آئی پر سکوت مرگ طاری ہے۔