سنی اتحاد کونسل نے پنجاب اسمبلی کا اجلاس طلب کرنے کے لیے ریکوزیشن سیکرٹری اسمبلی کوجمع کرادی۔

’ڈان نیوز‘ کے مطابق ریکوزیشن رانا آفتاب احمد خان چیف وہپ، رانا شہباز کوارڈینیٹر سنٹرل پنجاب اویس ورک کی جانب سےجمع کرائی گئی۔

اسمبلی سیکرٹریٹ میں یہ ریکوزیشن اپوزیشن کے 101 اراکین کے دستخطوں کے ساتھ جمع کرائی گئی ہے۔

ریکوزیشن میں کہا گیا ہے کہ امن و امان،مہنگائی کی صورتحال کو زیر بحث لانے کے لیے اسمبلی اجلاس طلب کیا جائے۔

مزید کے لیے کلک کریں

سنی اتحاد کونسل کی جانب سے جمع کروائی گئی ریکوزیشن میں مزید کہا گیا کہ مینڈیٹ چوری کےخلاف احتجاج کے دوران کارکنوں کی گرفتاریوں کا معاملہ بھی اپوزیشن ایوان میں اٹھانا چاہتی ہے۔

ریکوزیشن میں مزید کہا گیا کہ کارکن احمد شاہ کو مبینہ طور پر پولیس کی جانب سے تشدد کا نشانہ بنانے کا معاملہ بھی ایوان میں اٹھایا جائے گا۔

خیال رہے کہ اسپیکر پنجاب اسمبلی ملک محمد احمدخان ریکوزیشن پر 14 روز کے اندر اسمبلی اجلاس طلب کرنے کے آئینی طورپر پابند ہیں۔