جمعیت علمائے اسلام(ف) کے سربراہ مولانا فضل الرحمٰن تین روزہ دورے پر کراچی پہنچ گئے جہاں وہ کل کورنگی میں جے یو آئی(ف) سندھ کے اجلاس میں شرکت کریں گے۔

جے یو آئی(ف) سندھ کے ڈپٹی سیکریٹری اطلاعات مولانا سمیع الحق سواتی نے بتایا کہ سندھ کے جنرل سیکریٹری راشد محمود سومرو اور دیگر رہنماؤں نے کراچی پہنچنے پر مولانا فضل الرحمٰن کا استقبال کیا۔

انہوں نے کہا کہ کل جے یو آئی(ف) سندھ کے تمام اضلاع کے اراکین اجلاس میںشرکت کریں گے جس میں انتخابات میں مبینہ دھاندلی کے حوالے سے مولانا فضل الرحمٰن اہم خطاب کریں گے۔