پہلی خاتون وزیر اعلیٰ بننے پر مریم نواز کے لیے خراجِ تحسین کی قرارداد پنجاب اسمبلی میں جمع کرادی گئی۔

’ڈان نیوز‘ کے مطابق یہ قرارداد مسلم لیگ (ن) کی رکن پنجاب اسمبلی کنول لیاقت ایڈووکیٹ نے جمع کروائی۔

قرارداد میں کہا گیا ہے کہ مریم نواز کی سیاسی جدوجہد اور جمہوریت کے لیے دی گئی قربانیاں بے مثال ہیں۔

مذکورہ قرارداد میں مزید کہا گیا کہ پنجاب کا یہ ایوان پُرامید ہے کہ مریم نواز کے منتخب ہونے سے پنجاب کی خواتین سیاسی، سماجی، معاشی و قانونی طور پر مضبوط اور خودمختار بنیں گی۔