کراچی میں ناگن چورنگی پل کے قریب تیز رفتار کار فٹ پاتھ پر سوئے ہوئے بےگھر افراد پر چڑھ گئی، جس کے نتیجے میں 2 بھائی جاں بحق اور 3 زخمی ہوگئے۔

’ڈان نیوز‘ کے مطابق پولیس نے بتایا کہ کار میں 2 افراد سوار تھے جو حادثے کے وقت نشے میں دھت تھے، دونوں افراد واقعے کے بعد گاڑی چھوڑ کر فرار ہوگئے۔

جاں بحق اور زخمی ہونے والے تمام افراد آپس میں بھائی اور بے گھر ہیں، واقعے کے وقت وہ لوگ فٹ پاتھ پر سو رہے تھے۔

پولیس کے مطابق جاں بحق افراد میں 22 سالہ بالے اور 8 سالہ اشوک شامل ہے جبکہ زخمیوں میں سری رام، سیتا رام اور لالے شامل ہیں۔