آزاد امیدروار خرم شیرزمان نے کمشنر راولپنڈی لیاقت علی چٹھہ کے مبینہ دھاندلی کے حوالے سے انکشافات پر فوری کارروائی کا مطالبہ کردیا۔

سماجی رابطے کی ویب سائٹ ’ایکس‘ پر جاری بیان میں انہوں نے راولپنڈی کے کمشنر لیاقت علی چٹھہ کو خراج تحسین پیش کرتے ہوئے بتایا کہ آج کمشنر نے ثابت کیا کہ وہ ایک سچے اور ایماندار انسان ہیں اور سچے پاکستانی ہیں، انہوں نے اپنی غلطی مانی اور اپنے آپ کو پولیس کے حوالے کردیا۔

خرم شیرزمان کا مزید کہانا تھا کہ میری گزارش ہے کہ جس طرح راولپنڈی کمشنر نے اپنا کردار ادا کیا اسی طرح کراچی کے کشمنرز بھی اپنا کردار ادا کریں کیونکہ وہ یاد رکھیں کہ انہوں نے بھی اللہ کو جواب دینا ہے۔