سابق گورنر سندھ اور پاکستان مسلم لیگ (ن) کے رہنما محمد زبیر نے ایکس پر نواز شریف کی تصویر شئیر کرتے ہوئے کہا کہ ’نواز شریف وہ پہلے شخص تھے جنہوں نے مجھے سیاست میں آنے کے لیے متاثر کیا، میں نے سیاست میں جو بھی نام کمایا اور جو عہدے کمائے وہ سب ان کے اعتماد کی وجہ سے تھے‘۔

انہوں نے کہا کہ ’انہیں اس طرح دیکھ کر دکھ ہوا، (ن) لیگ نے جتنے ووٹ لیے وہ ان کی وجہ سے تھے لیکن پارٹی نے نواز شریف کے ساتھ انصاف نہیں کیا، کیا یہ ان کی آخری سیاسی لڑائی تھی؟‘