پاکستان تحریک انصاف پارلیمنٹیرینز کے سربراہ پرویز خٹک کی سوشل میڈیا پر ایک ویڈیو وائرل ہورہی ہے جس میں انہیں پی ٹی آئی کارکنوں کے نعروں پر ردعمل دیتے ہوئے دیکھا جاسکتا ہے۔

وائرل ویڈیو میں سابق وزیر دفاع کی موجودگی میں پی ٹی آئی کارکنان نعرے لگا رہے ہیں۔

پرویز خٹک کو دیکھ کر پی ٹی آئی کارکنوں نے’عمران خان زندہ باد اور کون بچائے گا پاکستان’ کے نعرے لگائے۔

نعروں کے جواب میں پرویز خٹک نے کہا کہ ’کچھ تمیز کرلیں میں آپ کا چچا ہوں۔‘

خیال رہے کہ عام انتخابات میں نتائج کے مطابق خیبر پختونخوا سے پرویز خٹک کو 2 صوبائی حلقوں سے شکست کا سامنا کرنا پڑا جبکہ ان کے 2 بیٹے بھی نہیں جیت سکے۔