کراچی: مسلح افراد ڈیری فارم سے کروڑوں روپے مالیت کی 94 بھینسیں، گائیں چھین کر فرار
3 ٹرکوں میں آنے والے 25 مسلح ڈاکوؤں نے مالک اور ملازمین کو رسیوں سے باندھ کر کارروائی کی، واردات کا مقدمہ لانڈھی پولیس نے درج کرلیا۔
کراچی کے علاقے لانڈھی میں مسلح افراد ڈیری فارم سے 94 بھینیسیں اور گائیں چھین کر فرار ہوگئے۔
’ڈان نیوز‘ کے مطابق کروڑوں روپے مالیت کی بھینیسیں اور گائیں چھیننے کی واردات کامقدمہ درج کرلیاگیا۔
25 مسلح ملزمان کی جانب سے کی گئی واردات کا مقدمہ لانڈھی پولیس نے کیا ہے، 3ٹرکوں میں آنے والےڈاکوؤں نےمالک اور ملازمین کو رسیوں سے باندھ کر کارروائی کی۔
کراچی پولیس کا کہنا ہے کہ واقعہ کی تحقیقات کا آغاز کرکے ملزمان کی تلاش شروع کردی گئی ہے۔