شہر قائد کے علاقے نیو کراچی میں فائرنگ سے ایک سیاسی جماعت کا کارکن زخمی ہوگیا۔

’ڈان نیوز‘ کے مطابق رات گئے نیو کراچی میں 2 سیاسی جماعتوں کے کارکنان کے درمیان تصادم ہوا جس کے نتیجے میں فائرنگ سے ایک سیاسی جماعت کا کارکن زخمی ہو گیا۔

ریسکیو ذرائع کے مطابق زخمی ہونے والے سیاسی کارکن کو طبی امداد کی فراہمی کے لیے فوری طور پر ہسپتال منتقل کردیا گیا، پولیس نے واقعے کی مزید تحقیقات شروع کردیں۔