خیبر پختونخوا کے ضلع باجوڑ میں نا معلوم افراد کی گاڑی پر فائرنگ سے قومی اسمبلی کا ایک امیدوار جاں بحق جب کہ 4 دیگر افراد زخمی ہوگئے۔

’ڈان نیوز ’ کے مطابق گاڑی پر فائرنگ ضلع باجوڑ کے علاقے صدیق آباد پھاٹک میں کی گئی۔

ابتدائی معلومات کے مطابق فائرنگ کے نتیجے میں قومی اسمبلی کے حلقہ این اے 8 سے پی ٹی آئی کے آزاد امیدوار ریحان زیب جاں بحق جب کہ 4 دیگر افراد زخمی ہوگئے۔

ریسکیو حکام نے بتایا کہ فائرنگ کے نتیجے میں زخمی ہونے والے افراد کو طبی امداد کے لیے فوری طور پر قریبی ہسپتال منتقل کردیا گیا۔

ڈسٹرکٹ پولیس افسر (ڈی پی او) کاشف ذوالفقار نے بتایا کہ واقعہ ٹارگٹ کلنگ کا شاخسانہ ہے۔