کراچی سے اغوا ہونے والی لڑکی ڈیرہ مراد جمالی سے بازیاب
بازیاب ہونے والی لڑکی کا تعلق نیو کراچی سے ہے، مغوی لڑکی کو 2 ماہ قبل کراچی سے اغوا کرکے بلوچستان لایا گیا تھا، ایس ایس پی
کراچی سے اغوا ہونے والی لڑکی کو بلوچستان کے علاقے ڈیرہ مراد جمالی سے بازیاب کروا لیا گیا ہے۔
ڈان نیوز کے مطابق سینئر سپرنٹنڈنٹ پولیس (ایس ایس پی) ڈیرہ مراد جمالی نے بتایا کہ ڈیرہ مراد جمالی کے خالی مکان سے بازیاب ہونے والی لڑکی کا تعلق نیو کراچی سے ہے۔
ان کا کہنا تھا کہ مغوی لڑکی کو 2 ماہ قبل کراچی سے اغوا کرکے بلوچستان لایا گیا تھا۔
مزید بتایا کہ بازیاب ہونے والی لڑکی کو نیو کراچی پولیس کے حوالے کر دیا گیا ہے۔