پشاور :نامعلوم ملزمان کی فائرنگ سے پولیس اہلکار جاں بحق
کانسٹیبل کامران اپنے گھر سے بچوں کو اسکول وین تک چھوڑنے آیا تھا کہ انہیں فائرنگ کا نشانہ بنایا گیا، ایس پی پشاور پولیس
خیبر پختونخوا کے دارالحکومت پشاور میں نامعلوم ملزمان کی فائرنگ سے پولیس اہلکار جاں بحق ہوگیا۔
’ڈان نیوز‘ کے مطابق پشاور پولیس کے ایس پی نے بتایا فائرنگ کا واقعہ داودزئی کے علاقے میں پیش آیا۔
انہوں نے تصدیق کی کہ نامعلوم ملزمان کی فائرنگ کے نتیجے میں پولیس اہلکار جاں بحق ہوگیا۔
انہوں نے بتایا کہ کانسٹیبل اپنے گھر سے کامران بچوں کو اسکول وین تک چھوڑنے آیا تھا کہ انہیں فائرنگ کا نشانہ بنایا گیا۔
پشاور پولیس نے مزید بتایا کہ حملہ آور پیدل تھے جو واردات کرنے کے بعد کھیتوں میں فرار ہوگئے، مزید تحقیقات جاری ہیں۔