بلوچستان کے علاقے ژوب اور گردونوح میں زلزلے کے جھٹکے محسوس کئے گئے۔

’ڈان نیوز‘ کے مطابق زلزلے کے جھٹکے صبح 4 بج کر 38 منٹ پر محسوس کیے گئے۔

زلزلے کی شدت 4.2 ریکارڈ کی گئی، زلزلے کا مرکز ژوب سے 123 کلومیٹر شمال میں تھا۔

ضلعی انتظامیہ کے مطابق زلزلے سے کوئی جانی و مالی نقصان نہیں ہوا۔

مزید کے لیے کلک کریں

قبل ازیں 11 جنوری کو پاکستان کے مختلف علاقوں میں زلزلے کے شدید جھٹکے محسوس کیے گئے تھے جس کی شدت 6 ریکارڈ کی گئی تھی۔

شدید زلزلے کے جھٹکے سوات اور اس کے گردونواح میں محسوس ہوئے تھے، اس کے علاوہ کوہاٹ، لاہور ، مردان، اسلام آباد، ایبٹ آباد، پنڈدادن خان، سرگودھا اور پشاور کے اطراف میں بھی زلزلے کے شدید جھٹکے محسوس کیے گئے۔

اِس سے قبل 6 جنوری کو بھی کوئٹہ اور گردونواح میں زلزلے کے شدید جھٹکے محسوس کیے گئے تھے۔

’زلزلہ پیما مرکز‘ کے مطابق زلزلے کے جھٹکے 11 بج کر 9 منٹ پر محسوس کیے گئے، جن کی شدت 4.6 ریکارڈ کی گئی، جبکہ زلزلے کا مرکز 98 کلومیٹر زیر زمین کوہ ہندوکش افغانستان تھا۔