لاہور: گیس لیکیج سے گھر میں دھماکا، 4 افراد جُھلس کر زخمی
شاہدرہ میں واقع گھر میں گیس لیکیج کی وجہ سے چولہا جلاتے وقت دھماکا ہوگیا، زخمی افراد میں 12 سالہ ایمان اور ایک سالہ علی عباس بھی شامل ہیں۔
لاہور کے علاقے شاہدرہ میں گیس لیکیج سے گھر میں دھماکا ہوگیا۔ جس کے نتیجے میں 4 افراد جھلس کر زخمی ہوگئے۔
’ڈان نیوز‘ کے مطابق ریسکیو حکام نے بتایا کہ شاہدرہ میں واقع گھر میں گیس لیکیج کی وجہ سے چولہا جلاتے وقت دھماکا ہوگیا، جس سے گھر کے 4 افراد جھلس گئے۔
جھلس کر زخمی ہونے والوں میں 27 سالہ اقرا، 30 سالہ خالد، 12 سالہ ایمان اور ایک سالہ علی عباس شامل ہیں۔
حادثے میں زخمی ہونے والے چاروں افراد کو طبی امداد کے لیے میو ہسپتال منتقل کردیا گیا۔