راجن پور کی تحصیل جام پور میں 2 تیز رفتار بسیں آپس میں ٹکرا گئیں، حادثے میں بسوں میں سوار ایک شخص جاں بحق جبکہ 30 افراد زخمی ہوگئے۔

’ڈان نیوز‘ کے مطابق زخمیوں کو طبی امداد فراہم کرکے ہسپتال منتقل کردیا گیا ہے۔

واضح رہے کہ حالیہ چند روز کے دوران تیزرفتاری اور دھند کے سبب ملک بھر میں متعدد ٹریفک حادثات رونما ہوچکے ہیں۔

20 جنوری کو کراچی کے علاقے گلشن اقبال میں ڈمپر اور کار میں تصادم ہوگیا تھا، حادثے کے نتیجے میں کار سوار جاں بحق ہوگیا تھا۔

16 جنوری کو شیخوپورہ میں تیز رفتار ڈمپر نے اسکول وین کو روند ڈالا، حادثے کے نتیجے میں وین ڈرائیور جاں بحق اور 7 بچے زخمی ہوگئے تھے۔