اسلام آباد کی احتساب عدالت کے جج محمد بشیر نے اپنی ریٹائرمنٹ تک بیماری کی چھٹیوں کے لیے خط لکھ دیا۔

’ڈان نیوز‘ کے مطابق جج محمد بشیر نے اسلام آباد ہائی کورٹ اور وزارت قانون انصاف کو خط کے ذریعے آگاہ کیا ہے کہ وہ طبعیت کی ناسازی کے باعث ڈیوٹی انجام نہیں دے سکتے، انہیں 24 جنوری سے 14 مارچ تک چھٹیاں دی جائیں۔

واضح رہے کہ جج محمد بشیر 14 مارچ کو ریٹائرڈ ہو جائیں گے، وہ عمران خان کے خلاف نیب کے 2 ریفرنسز (توشہ خانہ اور القادر ٹرسٹ کیس) کی سماعت کر رہے ہیں۔