خیبر: باڑہ پولیس چوکی پر دہشت گردوں کا حملہ، 2 اہلکار زخمی
پولیس کی جوابی کارروائی کے بعد دہشت گرد فائرنگ کرتے ہوئے فرار ہوگئے۔
خیبرپختونخوا کے ضلع خیبر میں باڑہ پولیس چوکی پر دہشت گردوں نے حملہ کیا، جس کے نتیجے میں 2 پولیس اہلکار زخمی ہوگئے۔
ڈان نیوز کے مطابق پولیس نے بتایا کہ پولیس کی جوابی کارروائی کے بعد دہشت گرد فائرنگ کرتے ہوئے فرار ہوگئے، زخمی ،پولیس اہلکاروں کو ہسپتال منتقل کر دیا گیا ہے۔
پولیس نے بتایا کہ دہشت گرد حملے کے دوران ایک پولیس کار بھی جل گئی۔