کراچی سے لاہور جانے والی شالیمار ایکسپریس کو حادثہ
بن قاسم اسٹیشن کےقریب شالیمارایکسپریس کی 4 بوگیاں پٹڑی سے اتر گئیں، عملے نے فوری طور پر ریسکیو آپریشن کرکے ڈاؤن ٹریک کو بحال کر دیا، ریلوے حکام
بن قاسم ریلوے اسٹیشن کےقریب کراچی سے لاہور جانے والی شالیمار ایکسپریس کی ٹرین کی 4 بوگیاں پٹڑی سے اتر گئیں۔
ڈان نیوز کے مطابق ریلوے حکام نے بوگیوں کے ٹریک سے اترنے کی تصدیق کی، تاہم حادثے میں کسی قسم کے جانی نقصان کی کوئی اطلاع موصول نہیں ہوئی۔
ریلوے حکام نے کہا کہ بن قاسم اسٹیشن کےقریب شالیمارایکسپریس کی 4 بوگیاں پٹڑی سے اتریں، ریلوے پی ڈبلیو آئی یونٹ کے عملےنے فوری طور پر ریسکیو آپریشن کرکے ڈاؤن ٹریک کوکلیئر کر دیا۔
حکام نے مزید بتایا کہ ریسکیو کا کام جاری ہے، اپ ٹریک کو بھی جلد بحال کردیاجائے گا۔