لاہور: گھر میں سلنڈر پھٹنے سے 5 افراد زخمی
لاہور کے علاقے شیرا کوٹ میں غازی چوک پر گھر میں سلنڈر کا دھماکا ہوا، زخمیوں میں خواتین اور بچے بھی شامل ہیں، ریسکیو ذرائع
پنجاب کے دارالحکومت لاہو کے علاقے شیرا کوٹ میں گھر میں سلنڈر پھٹنے سے 5 افراد زخمی ہوگئے۔
ڈان نیوز کے مطابق ریسکیو ذرائع نے بتایا کہ لاہور کے علاقے شیرا کوٹ میں غازی چوک پر گھر میں سلنڈر کا دھماکا ہوا ہے، جس کے نتیجے میں گھر میں موجود 5 افراد زخمی ہو گئے۔
ریسکیو ذرائع کے مطابق زخمیوں میں خواتین اور بچے بھی شامل ہے۔