سابق وزیر اعلیٰ پنجاب و تحریک انصاف (پی ٹی آئی) کے صدر پرویز الہٰی کو طبی معائنے کے بعد کارڈیالوجی ہسپتال سے لے کر پولیس اڈیالہ جیل روانہ ہوگئی۔

ڈان نیوز کے مطابق پرویز الہٰی کو صحت خراب ہونے پر آج صبح اڈیالہ جیل سے راولپنڈی انسٹی ٹیوٹ آف کارڈیالوجی ہسپتال شفٹ کیا گیا تھا۔

مزید کے لیے کلک کریں

جیل ذرائع نے بتایا تھا کہ چوہدری پرویز الہیٰ کا طبی معائنہ جیل ہسپتال میں کیا گیا، انہیں دل میں تکلیف اور سینے میں انفیکشن کی شکایت تھی۔

ہسپتال ذرائع کے مطابق سابق وزیر اعلیٰ پنجاب کا تھیلیم اسکین ٹیسٹ کیا گیا جو نارمل آیا جبکہ باقی رپورٹس ابھی آنا باقی ہیں۔

پرویز الہٰی کو ایک ہفتہ قبل بھی سینے کی تکلیف کے باعث ہسپتال منتقل کیا گیا تھا۔