اسلام آباد: آبپارہ مارکیٹ کی دکانوں میں آتشزدگی، لاکھوں کا سامان خاکستر
فائر بریگیڈ نے 2 گاڑیوں کی مدد سے آگ پر قابو پالیا، آگ شارٹ سرکٹ کے باعث لگی جس میں کسی جانی نقصان کی اطلاع نہیں ملی، پولیس
اسلام آباد کی آبپارہ مارکیٹ میں کپڑے کی دکانوں اور گفٹ شاپ میں شارٹ سرکٹ کے باعث آگ لگنے سے لاکھوں روپے کا سامان جل گیا۔
ڈان نیوز کے مطابق آگ صبح 8 بج کر 45 منٹ پر لگی جو تیزی سے پھیلی اور پانچ دکانوں کو لپیٹ میں لے لیا۔
آتشزدگی کے باعث دکانوں میں موجود سامان جل کر خاکستر ہوگیا۔
فائر بریگیڈ کی مدد سے آگ پر قابو پالیاگیا جب کہ کسی قسم کی جانی نقصان کی اطلاع نہیں ملی۔
اسلام آباد پولیس کے مطابق آگ شارٹ سرکٹ کے باعث لگی۔