پشاور : تھانہ ریگی پر دہشت گردوں کے حملے کی کوشش ناکام
8 سے 10 دہشتگرد حملے کے لیے پوزیشن ڈھونڈ رہے تھے، تاہم پولیس کی بروقت جوابی کارروائی سے تمام دہشتگرد فرار ہوگئے، پولیس حکام
پشاور پولیس نے تھانہ ریگی ماڈل ٹاون پر دہشت گردوں کے حملے کی کوشش ناکام بنا دی، جدید تھرمل ویپنز سے دہشت گردوں کی نقل و حرکت کا تعین کرکے پسپا ہونے پر مجبور کردیا گیا۔
’ڈان نیوز‘ کے مطابق پولیس حکام نے بتایا کہ دہشت گرد قبائلی ضلع خیبر اور پشاور کے سرحدی علاقے سے تھانہ اور چوکی کو نشانہ بنانا چاہتے تھے۔
دہشت گرد پولیس اسٹیشن پر حملے کے لیے پوزیشن ڈھونڈ رہے تھے، جن کی تعداد 8 سے 10 تھی، تاہم پولیس کی بروقت جوابی کارروائی سے تمام دہشتگرد فرار ہوگئے۔