بھارتی ٹیم کے سابق کپتان اور وکٹ کیپر بلے باز مہندرا سنگھ دھونی اپنے جارحانہ کھیل اور عمدہ انداز قیادت کے ساتھ ساتھ دوستانہ انداز کی وجہ سے بھارت کے ساتھ ساتھ پاکستان میں بھی یکساں مقبول ہیں۔

پاکستان اور بھارت کے درمیان کشیدہ سیاسی صورتحال کے باوجود پاکستان کے خلاف میچوں میں انہیں قومی ٹیم کے کھلاڑیوں کے ساتھ گھلتے ملتے اور مشورے دیتا بھی دیکھا گیا ہے جس پر ہمیشہ انہیں بہت سراہا گیا۔

دونوں ملکوں میں کشیدہ تعلقات کے سبب بھارتی ٹیم نے ڈیڑھ دہائی سے زائد گزرنے کے باوجود پاکستان کا دورہ نہیں کیا اور آخری مرتبہ جب بھارتی ٹیم نے پاکستان کا دورہ کیا تھا تو دھونی بھی بھارتی ٹیم کے ہمراہ تھے۔

مزید کے لیے کلک کریں

پاکستان کا دورہ کیے 15سال سے زائد گزرنے کے باوجود دھونی اب تک پاکستانی کھانوں کا ذائقہ نہیں بھولے اور اس بات کا انہوں نے حال ہی میں ایک ویڈیو میں برملا اظہار بھی کیا۔

سابق بھارتی کپتان کی ان دنوں انٹریٹ پر ایک ویڈیو وائر ہو رہی ہے جس میں انہیں ایک فین کو پاکستان جا کر کھانا کھانے کا مشورہ دیتے دیکھا جا سکتا ہے۔

اس ویڈیو میں دھونی اپنے فین کو کہتے ہیں کہ آپ کو ایک مرتبہ پاکستان جا کر وہاں کا کھانا ضرور کھانا چاہیے۔

اس ویڈیو کی جانچ تو نہیں کی جا سکی لیکن مذکورہ ویڈیو میں وہی فین دھونی کو الٹا جواب دیتے ہیں کہ آپ مشورہ دیں گے تو بھی پاکستان نہیں جاؤں گا، مجھے کھانے کھانا پسند ہے لیکن وہاں نہیں جاؤں گا۔