پاکستان کرکٹ بورڈ (پی سی بی) نے بگ بیش فرنچائزز کی پاکستانی کھلاڑیوں کے این او سی میں توسیع سے متعلق درخواست پر انکار کردیا۔

ڈان نیوز کی رپورٹ میں پی سی بی ذرائع کے حوالے سے بتایا گیا کہ بگ بیش کے لیے حارث رؤف، اسامہ میر اور زمان خان کے این او سی میں توسیع نہیں ہوگی۔

تینوں کرکٹرز دورہ نیوزی لینڈ شروع ہونے تک آسٹریلیا میں ہی قیام کریں گے۔

مزید کے لیے کلک کریں

پاکستان اور نیوزی لینڈ کے درمیان پانچ میچوں پر مشتمل ٹی ٹوئنٹی سیریز 12 جنوری سے شروع ہوگی۔

میلبرن اسٹارز نے پی سی بی سے اسامہ میر اور حارث رؤف کے این او سی میں توسیع کی درخواست کی تھی۔

پی سی بی نے حارث رؤف اور اسامہ میر کو پانچ بگ بیش میچز کھیلنے کے لیے 28 دسمبر تک کا این او سی جاری کیا تھا۔

اسی طرح سڈنی ٹھنڈرز نے بھی زمان خان کی این او سی میں توسیع کے لیے متعدد درخواستیں کی تھیں۔

تاہم اب پی سی بی نے بگ بیش فرنچائزز کی پاکستانی کھلاڑیوں کے این او سی میں توسیع سے متعلق درخواست پر انکار کردیا ہے۔