پشاور میں وفاقی تحقیقاتی ادارے (ایف آئی اے) کے کمرشل بینکنگ سرکل نے کارروائی کے دوران حوالہ ہنڈی اور غیرقانونی کرنسی ایکسچینج میں ملوث 3 ملزمان کو گرفتار کرلیا۔ْ

ڈان نیوز کی رپورٹ کے مطابق ترجمان ایف آئی اے نے بتایا کہ گرفتار ملزمان سے کروڑوں روپے مالیت کی ملکی وغیر ملکی کرنسی برآمد ہوئی۔

انہوں نے بتایا کہ ملزمان سے مجموعی طور پر 10 لاکھ سعودی ریال اور 62 لاکھ روپے برآمد ہوئے۔

ترجمان ایف آئی اے نے مزید بتایا کہ ملزمان کے خلاف مقدمہ درج کرلیا گیا ہے، مزید تفتیش جاری ہے۔