کراچی کے علاقے سرجانی ٹاؤن میں مشتعل عوام کے تشدد سے دو مشتبہ ڈاکوؤں ہلاک ہو گئے۔

سرجانی ٹاؤن پولیس کے ایس ایچ او امجد کیانی نے کہا کہ سرجانی ٹاؤن کے علاقے خدا کی بستی میں دو ڈاکوؤں نے سیمنٹ کے بلاک بنانے والے کو لوٹنے کی کوشش کی۔

انہوں نے بتایاکہ اس دوران شہریوں نے مزاحمت کی اور دیکھتے دیکھتے ہی وہاں کئی لوگ جمع ہو گئے جنہوں نے ڈاکوؤں کو پکڑ کر انہیں شدید تشدد کا نشانہ بنایا جبکہ انہیں گولی بھی ماری۔

مزید کے لیے کلک کریں

ایس ایچ او کے مطابق تشدد اور گولی لگنے سے دونوں ڈاکو موقع پر ہی دم توڑ گئے، دونوں کی لاشوں کو عباسی شہید ہسپتال منتقل کردیا گیا جہاں ان کی شناخت محمد مدثر اور علی کے نام سے ہوئی۔

سرجانی ٹاؤن کے ایس ایچ او کے مطابق کرنے والے دونوں ڈاکوؤں کا سابقہ مجرمانہ ریکارڈ بھی تھا اور وہ اس سے قبل بھی لوٹ مار کی وارداتوں میں ملوث رہ چکے ہیں۔

اس سے قبل گزشتہ رات بھی کراچی کے علاقے اورنگی ٹاؤن میں دکاندار کو قتل کر کے فرار ہونے والے تین ڈاکوؤں کو مشتعل عوام نے پکڑ کر تشدد کا نشانہ بنایا تھا جس سے تینوں ڈاکو ہلاک ہو گئے تھے۔