استحکام پاکستان پارٹی (آئی پی پی) کے صدر عبدالعلیم خان نے قومی و صوبائی اسمبلی کے 5 حلقوں سے کاغذات نامزدگی داخل کروا دیے۔

ڈان نیوز کے مطابق عبدالعلیم خان این اے 117، این اے 119 اور این اے 147 سے امیدوار ہوں گے۔

وہ صوبائی حلقوں پی پی 149 لاہور اور پی پی 209 خانیوال سے بھی آئندہ عام انتخابات میں امیدوار ہوں گے۔

عبدالعلیم خان کے کاغذات نامزدگی ان کی قانونی ٹیم نے جمع کرائے، جو ابتدائی طور پر درست قرار دیے گئے ہیں۔

عبدالعلیم خان لاہور سے قومی اسمبلی کی 2 اور خانیوال سے ایک نشست پر الیکشن لڑیں گے۔

وہ لاہور اور خانیوال سے پنجاب اسمبلی کی 2 نشستوں پر بھی حصہ لیں گے۔