ایم کیو ایم پاکستان کے رہنما مصطفیٰ کمال نے کہا ہے کہ پیپلزپارٹی نےکراچی کو دنیا کا چوتھا بدترین شہر بنادیا ہے اور وہ 15سال میں ایک ماڈل یوسی تک نہ بنا سکی۔

مصطفی کمال نے کراچی میں کی میڈیا سے گفتگو کرتے ہوئے کہا کہ کراچی میں پینے کا پانی آتا نہیں، سیوریج کا پانی جاتا نہیں جبکہ 22ارب روپے خرچ ہونے کے باوجود ہسپتالوں میں ادویات نہیں ہیں۔

انہوں نے کہا کہ کراچی میں بجلی، پانی اور گیس نہیں اور بلاول بھٹو یہ نہیں کہ سکتے کہ سندھ کو پنجاب جیسا بنا دوں گا۔

مزید کے لیے کلک کریں

ان کا کہنا تھا کہ پیپلزپارٹی نےکراچی کو دنیا کا چوتھا بدترین شہر بنادیا ہے اور وہ 15سال میں ایک ماڈل یوسی تک نہ بنا سکی۔

ایم کیو ایم پاکستان کے رہنما نے اس موقع پر کراچی میں اپنی حریف جماعت اسلامی کو بھی آڑے ہاتھوں لیتے ہوئے کہا کہ جماعت اسلامی کا بس چلے تو کہہ دیں کہ پاکستان ہم نے بنایا ہے۔

مصطفیٰ نے دعویٰ کیا کہ آئندہ عام انتخابات میں ایم کیو ایم سندھ کی بڑی جماعت بن کر ابھرے گی۔